9مئی کا مطلوب شرپسند ارسلان گرفتار، والدین کی جلاؤ گھیراؤ کی مذمت

07-08-2023

(لاہور نیوز) 9 مئی واقعات میں ملوث ایک اور اہم مطلوب شرپسند قانون کی گرفت میں آگیا، شرپسند محمد ارسلان فوجی تنصیبات کے جلاؤ گھیراؤ اور توڑ پھوڑ میں سرگرم رہا، ملزم کے والدین نے 9 مئی کو ہونے والے واقعات کی شدید الفاظ میں مذمت کردی۔

ملزم کے والد کا کہنا تھا کہ 9 مئی کو شرپسندی کی شدید مذمت کرتا ہوں جو کچھ بھی ہوا بہت غلط ہوا، نوجوان قوم کا اثاثہ ہیں ان کو سیاسی رہنماؤں کے زہریلے بہکاوے میں نہیں آنا چاہیے، یہ وہی لوگ ہیں جنہوں نے ہمارے بیٹے کو شرانگیزی کے لیے اکسایا اور منفی ذہن سازی کی۔ شرپسند ارسلان کی والدین نے مزید کہا 9 مئی کے واقعات سے ہمارا خاندان بہت دکھی ہے، نوجوان طبقے کو نصیحت کرتے ہیں کہ سیاست کی آڑ میں منفی سرگرمیوں کا حصہ نہ بنیں۔