ساؤتھ ایشین باڈی بلڈنگ چیمپئن شپ، پاکستانی تن سازوں نے 3 میڈلز جیت لیے

07-08-2023

(ویب ڈیسک) ساؤتھ ایشین باڈی بلڈنگ چیمپئن شپ میں پاکستان نے شاندار کارکردگی کامظاہرہ کیا اور تینوں قومی تن سازوں نے میڈلز جیت لیے۔

مالدیپ میں ہونے والی ساؤتھ ایشین باڈی بلڈنگ چیمپئن شپ میں پاکستان نے ایک طلائی اور دو کانسی کے تمغے جیت لیے۔ پاکستان کے شہزاد قریشی نے 80 کلوگرام کی کیٹیگری میں بھارتیوں کو پیچھے چھوڑتے ہوئے پہلی پوزیشن حاصل کی اور طلائی تمغہ جیت لیا،شہزاد قریشی نے گزشتہ ایونٹ میں بھی طلائی تمغہ اپنے نام کیا تھا۔ پاکستان ہی کے ابراہیم خان نے جونیئر کیٹیگری کے 75 کلوگرام کی کیٹیگری میں تیسری پوزیشن کے ساتھ کانسی کا تمغہ اپنے نام کیا، تیسرے قومی تن ساز شاہد اللہ 70 کلوگرام کے درجہ میں سوئم رہے اورانہوں نے بھی کانسی کا تمغہ جیتا۔