لاہور ہائیکورٹ کا عمرسرفراز چیمہ کو جیل میں بی کلاس دینے کا حکم

07-07-2023

(لاہور نیوز) لاہور ہائیکورٹ نے سابق گورنر پنجاب عمر سرفراز چیمہ کو جیل میں بی کلاس کی سہولیات دینے کا حکم دے دیا۔

لاہور ہائیکورٹ کے جسٹس علی باقرنجفی کی سربراہی میں دورکنی بینچ نے درخواست پرسماعت کی،عدالت عالیہ نے محفوظ فیصلہ سنا دیا ۔ عمر سرفراز چیمہ کی اہلیہ رابعہ سلطان نے سابق گورنر کو جیل میں بی کلاس کی سہولیات دینے کیلئے ہائیکورٹ میں درخواست دائر کررکھی تھی، عمرسرفراز چیمہ کواختیارات کے ناجائز استعمال کے الزام میں گرفتار کیا گیا ہے۔