پرویز مشرف کی پیروڈی کرنیوالے اداکاروسیم انصاری دار فانی سے کوچ کرگئے

07-05-2023

(ویب ڈیسک)پاکستان کے سابق صدر اور سابق چیف آف آرمی سٹاف جنرل پرویز مشرف کی پیروڈی سے شہرت حاصل کرنےوا لے اداکار وسیم انصاری کا انتقال ہوگیا۔

تفصیلات کےمطابق وسیم انصاری کے بیٹے کاشان انصاری نےاپنے بیان میں بتایا کہ ان کے والدشوگر اور بلڈ پریشر کے مریض تھے جو یوٹیلٹی بل بھروانے گئے تھے کہ اچانک گر گئے اور انھیں فوری طور پر قریبی ہسپتال لیجایا گیا جہاں وہ جانبر نہ ہو سکے۔کاشان کے مطابق ان کے والد کی نماز جنازہ گلستان جوہر میں رہائش گاہ کے قریب مریم مسجد نعمان گرینڈ سٹی میں بعد نماز مغرب ادا کی گئی اور بعد ازاں مقامی قبرستان میں سپرد خاک کر دیا گیا۔وسیم انصاری نے سوگواران میں بیوہ ، بیٹا اور 4 بیٹیوں کو چھوڑا ہے۔