منی لانڈرنگ ریفرنس: وزیراعظم اور حمزہ شہباز کی بریت کی درخواستیں دائر

07-05-2023

(لاہور نیوز) وزیراعظم شہباز شریف اور حمزہ شہباز نے منی لانڈرنگ ریفرنس میں بریت کی درخواستیں دائر کردیں۔

احتساب عدالت لاہور میں منی لانڈرنگ ریفرنس سے بریت کی درخواستیں وزیراعظم شہباز شریف اور ان کے صاحبزادے حمزہ شہباز کی جانب سے امجد پرویز ایڈووکیٹ نے دائر کی ہیں۔ درخواست میں مؤقف اختیار کیا گیا ہے کہ نیب نے منی لانڈرنگ کا جھوٹا اور من گھڑت ریفرنس بنایا، اثاثہ جات قانون کے مطابق ہیں جو ایف بی آر اور الیکشن کمیشن میں ڈیکلیئر کیے گئے ہیں، نیب کے پاس کسی قسم کے کوئی ثبوت نہیں ہیں۔ وزیراعظم شہباز شریف اور حمزہ شہباز شریف کی جانب سے دائر درخواست میں مزید کہا گیا ہے کہ ان کے خلاف کیس ثابت ہونے کا کوئی امکان نہیں ہے، احتساب عدالت سے استدعا ہے کہ وزیراعظم شہباز شریف اور حمزہ شہباز کو ریفرنس سے بری کیا جائے۔ احتساب عدالت کے جج قمر الزماں نے درخواستوں پر سماعت ملتوی کرتے ہوئے نیب کو 19 جولائی کے لیے نوٹس جاری کردیے ہیں۔