موسیقی کی دنیا میں ایک اور قدم،پاکستان کی پہلی میوزک پالیسی کا ڈرافٹ تیار

06-26-2023

(ویب ڈیسک) وزیر اطلاعات مریم اورنگزیب نے میوزک انڈسٹری کیلئے بڑی خوشخبری سناتے ہوئے کہا کہ پاکستان کی پہلی میوزک پالیسی کا ڈرافٹ تیار کر لیا گیا ہے۔

میوزک پالیسی کے ذریعے متعدد مراعات اور سہولیات سے میوزک انڈسٹری کو نئی زندگی ملے گی، نئی میوزک پالیسی سے پائیریسی، کاپی رائیٹس سمیت میوزک انڈسٹری کو درپیش دیگر مسائل حل ہوجائیں گے۔ پبلک پرفارمنس، پروڈکشن، ڈسری بیونیشن، ایڈیپٹیشن، ڈیوریشن، مکینیکل، کمیونیکیشن رائیٹس کو قانونی ڈھانچے میں لایا جا رہا ہے۔ ان اقدامات میں یوزرز اینڈ لائسنسز کا مسئلہ بھی حل ہوگا جس سے میوزک انڈسٹری کو فروغ ملے گا۔ مناپلائزیشن کے خاتمے کے ساتھ ساتھ میوزک ورکرز کے بنیادی قانونی حقوق کا تحفظ ہوگا، کاپی رائٹ سمیت میوزک اسٹیک ہولڈرز کو درپیش تمام مسائل اور مطالبات حل ہوں گے۔ میوزک کی تیاری، گانے والے، لکھنے والے اور دھن بنانے والوں کے قانونی حقوق کا تحفظ یقینی ہوگا۔ میوزک کی فروخت، میوزک چرانے سے متعلق دیرینہ مسائل حل ہوجائیں گے۔میوزک پالیسی ہمسایہ ممالک میں رائج قوانین اور بین الاقوامی معیار کے مطابق تیاری کی گئی ہے جس میں پرانے میوزک کو محفوظ کرنے کے لیے خصوصی اقدامات بھی پالیسی میں شامل ہیں۔