پاکستان میں سونے کی قیمتوں میں نمایاں کمی

06-23-2023

(لاہور نیوز) عالمی مارکیٹ میں سونے کی قیمتوں میں کمی کے باعث پاکستان میں بھی سونے کے نرخوں میں نمایاں کمی ریکارڈ کی گئی۔

بین الاقوامی گولڈ مارکیٹ میں فی اونس سونے کی قیمت 10 ڈالر کی کمی کے ساتھ 1919 ڈالر کی سطح پر آگئی جبکہ پاکستان میں فی تولہ سونے کی قیمت میں 1500 روپے اور فی دس گرام سونے کی قیمت میں 1285 روپے کی کمی واقع ہوئی۔ قیمتوں میں کمی کے باعث مقامی صرافہ بازاروں میں فی تولہ سونے کی قیمت 2 لاکھ 17 ہزار روپے جبکہ فی دس گرام سونے کی قیمت ایک لاکھ 86 ہزار 43 روپے ہوگئی۔دوسری جانب چاندی کی قیمتیں بغیر کسی تبدیلی کے فی تولہ 2550 روپے اور دس گرام 2186.21 روپے کی سطح پر برقرار رہی۔واضح رہے کہ رواں ہفتے کے دوران فی تولہ سونے کی قیمت میں 3 ہزار روپے سے زائد کی کمی دیکھی گئی ہے۔