وہاج علی اور عائزہ خان کے نئے ڈرامے کےسین سوشل میڈیا پر لیک

06-23-2023

(ویب ڈیسک) پاکستانی ڈرامہ شائقین کی آنکھوں کو تسکین پہنچانے کے لیے معروف اداکار وہاج علی اور اداکارہ و ماڈل عائزہ خان جلد ایک ساتھ ڈرامے میں نظر آئیں گے جس کے کچھ سین لیک ہو گئے ہیں۔

ڈرامہ سیریل ’تیرے بن‘ میں مرتسم اور ڈرامہ سیریل ’مجھے پیار ہوا تھا‘ میں سعد کا کردار ادا کرنے والے اداکار وہاج علی جلد ہی اداکارہ عائزہ خان کے ساتھ نظر آنے والے ہیں۔ اس جوڑی نے گزشتہ ماہ کے آغاز میں اپنی انسٹا سٹوریز کے ذریعے مداحوں کو ایک ساتھ پروجیکٹ میں کام کرنے کا عندیہ دیا تھا، یہ خوبصورت جوڑی ڈرامے ’میں‘ میں ایک ساتھ نظر آئے گی جس کا ایک جذباتی سین سوشل میڈیا پر لیک ہو گیا۔ اس سین میں وہاج اور عائزہ خان نے سیاہ لباس پہنا ہوا ہے، عائزہ خان اس سین میں کسی سے لڑتی جھگڑتی جبکہ وہاج علی انہیں سمجھاتے اور وہاں سے لے جاتے ہوئے دیکھے جا سکتے ہیں۔