پرچی کے طعنے پر شاور کے نیچے آنسو بہاتا تھا: امام الحق

06-19-2023

(ویب ڈیسک) قومی کرکٹ ٹیم کے بلے باز امام الحق نے انکشاف کیا ہے وہ پرچی کا طعنہ ملنے پر شاور کے نیچے آنسو بہاتے رہے ہیں۔

نجی ٹی وی کے پروگرام میں گفتگو کرتے ہوئے امام الحق کا کہنا تھا کہ جب میں نے ڈیبیو کیا تو اس وقت میری عمر 23 برس تھی، میں ڈومیسٹک کرکٹ میں اچھا پرفارم کرکے ٹیم میں آیا مگر میرے چچا انضمام الحق اس وقت چیف سلیکٹر تھے، اس  لیے مجھے پرچی کہا جانے لگا۔ انہوں نے بتایا کہ میں ٹورز کے دوران اپنا موبائل منیجر کو دے دیتا  تھا، سوشل میڈیا پر ملنے والے اس طعنے کی وجہ سے کئی بار شاور کے نیچے آنسو بہاتا تھا مگر اب یہ چیزیں کم ہو گئی ہیں، اس کے باوجود اب بھی میں ٹورز میں سوشل میڈیا استعمال نہیں کرتا، ٹویٹر اور انسٹاگرام وغیرہ استعمال نہیں کرتا، صرف واٹس ایپ دیکھتا ہوں۔ امام الحق نے مزید کہا اب بھی اگر میں صفر پر آؤٹ ہوجاؤں تو لوگ پرچی پرچی کہنا شروع ہوجاتے ہیں، ون ڈے رینکنگ کے ٹاپ 5 میں شامل ہونا ایک اعزاز ہے، اس کے ساتھ ذمہ داری بھی عائد ہوتی ہے کہ اچھا پرفارم کرنا ہے، ویسے میرے لیے اپنی رینکنگ سے ٹیم کا ٹاپ 3 میں موجود ہونا زیادہ اہم ہے۔