حمزہ سہیل کو کیریئر کے آغاز میں کیا کہہ کر مسترد کیا گیا تھا؟اداکار نے ماضی کی بات بتا دی

06-17-2023

(ویب ڈیسک)پاکستان کی شوبز انڈسٹری کے اداکار حمزہ سہیل نے کہا ہے کہ مجھے کیریئر کے آغاز میں یہ کہہ کر مسترد کیا گیا تھا کہ میں ہیرو نہیں لگتا۔

تفصیلات کے مطابق اپنے ایک انٹرویو میں حمزہ سہیل کا کہناتھا کہ ایک اداکار کا بیٹا ہونے کے باوجود بھی انہیں اپنا ٹیلنٹ دنیا کے سامنے لانے اور شوبز میں قدم رکھنے کیلئے بہت محنت کرنی پڑی۔انہوں نے کہا کہ میں  نے اپنے کیرئیر کے آغاز میں 35 سے 40 آڈیشنز دیئے تھے اور پروڈکشن ہاوسز سمیت کافی لوگوں نے انہیں یہ کہہ کر مسترد کر دیا تھا کہ وہ ہیرو نہیں لگتے۔حمزہ نےمزید  بتایا کہ کئی لوگوں نے تو میرے سامنے ہی مجھے یہ بات کہہ دی کہ میں ہیرو نہیں لگتا اور کچھ لوگوں کا خیال تھا کہ میں شکل سے چھوٹا لگتا ہوں۔