سٹاک مارکیٹ میں بڑی مندی ، سرمایہ کاروں کے اربوں ڈوب گئے

06-12-2023

(لاہور نیوز)پاکستان سٹاک مارکیٹ میں بجٹ کے بعد پہلے کاروباری روز کے دوران مندی کے باعث سرمایہ کاروں کے اربوں روپے ڈوب گئے۔

کاروباری ہفتے کے پہلے روز کے اختتام پر غیر یقینی  صورتحال کے باعث سٹاک مارکیٹ میں مندی ریکارڈ کی گئی اور 100 انڈیکس 121.28 پوائنٹس کی مندی کے باعث 41782.92 پوائنٹس کی سطح پر پہنچ کر بند ہوا۔پورے کاروباری روز کے دوران کاروبار میں 0.29 فیصد کی تنزلی دیکھی گئی جبکہ 8 کروڑ 32 لاکھ 68 ہزار 798 شیئرز کا لین دین ہوا، مندی کے باعث سرمایہ کاروں کے 15 ارب روپے ڈوب گئے۔