چیئرمین نیب کا جناح ہاؤس لاہور کا دورہ، 9 مئی کے واقعات کی مذمت

06-12-2023

(لاہور نیوز) چیئرمین نیب لیفٹیننٹ جنرل (ر) نذیر احمد نے جناح ہاؤس لاہور کا دورہ کیا، ان کے ساتھ ڈی جی نیب لاہور امجد مجید اولکھ اور دیگر افسران بھی تھے۔

ترجمان نیب نے بتایا ہے کہ چیئرمین نیب نذیر احمد نے دورہ جناح ہاؤس کے دوران مہمانوں کی کتاب میں اپنے خیالات کا بھی اظہار کیا اور 9 مئی کو پیش آنے والے واقعے کی مذمت کی۔چیئرمین نیب نے کہا کہ شر پسند عناصر کو قانون کے دائرے میں لایا جانا چاہیے، ملک و قوم کی خاطر جان قربان کرنے والے شہدا کی یادگاروں پر حملہ کسی صورت قابل قبول نہیں، پاک فوج نے ہر مشکل وقت میں اپنا فرض بخوبی نبھایا ہے۔