قومی کرکٹرز کیلئے پاکستان میں باؤنسی پچز کی تیاری آخری مراحل میں داخل

06-09-2023

(ویب ڈیسک) پاکستان کے بیٹرز کے لیے اب مشکل آسان ہو گئی کیوں کہ اب قومی بیٹرز جلد ہی باؤنسی پچز پر کھیل سکیں گے۔

پاکستان یا ایشیائی بیٹرز کا باؤنسی پچز پر کھیلنا مسئلہ رہا ہے لیکن اب اس مسئلے کے حل کے لیے باؤنسی پچز تیار کی جا رہی ہیں جو تیاری کے آخری مرحلے میں ہیں۔ ان پچز کے ذریعے کرکٹرز اب خود کو آسٹریلیا ، نیوزی لینڈ اور جنوبی افریقہ کی باؤنسی پچز کے لیے لاہور میں رہتے ہوئے تیار کر سکیں گے۔ واضح رہے کہ سابق چیئرمین پی سی بی رمیز راجا نے ڈراپ ان پچز کا اعلان کیا تھا لیکن منصوبہ قابل عمل نہ ہونے کے بعد آسٹریلیا سے مٹی منگوائی گئی جس سے اب پچزتیار کی جارہی ہیں، این سی اے میں اس مٹی کو پچز کی تیاری کے لیے استعمال کیا گیا ہے۔ بتایا جارہا ہے اس سے پچز میں باؤنس بڑھے گا اور بیٹرز کو بھرپور پریکٹس کا موقع ملے گا، اس کے بعد جب کرکٹرز  رواں برس 3 ٹیسٹ میچز کی سیریز کھیلنے کے لیے آسٹریلیا جائیں گے تو وہاں کے باؤنس کے مطابق خود کو تیار پائیں گے۔