لاہور میں مقابلہ حسن،علینہ خان نے 'مس ٹرانس پاکستان' کا اعزاز جیت لیا

06-03-2023

(ویب ڈیسک)لاہور میں ہونیوالے2023 کے مقابلہ حسن میں اداکارہ علینہ خان نے 'مس ٹرانس پاکستان ' کا اعزاز جیت لیا ہے۔

تفصیلات کےمطابق اداکارہ علینہ خان نے مس ٹرانس پاکستان 2023 کا ٹائٹل اپنے نام کرنے پر سوشل میڈیا پر اپنی تصاویر پوسٹ کرتے ہوئے خوشی کا اظہار کیا ہے۔اداکار نے لکھا کہ ’اپنی کمیونٹی کے سامنے مس ٹرانس پاکستان کا تاج پہنتے ہوئے بہت خوشی محسوس ہوئی کیونکہ یہ پلیٹ فارم ہماری آواز ہے جہاں سے ہم دنیا بھر میں اپنی نمائندگی کرتے ہیں۔ علینہ خان نے لکھا کہ یہ میری زندگی کا بہترین اور یاد گار لمحہ ہے جبکہ  مس ٹرانس پاکستان کا ٹائٹل جیت کر اپنی کمیونٹی کی نمائندگی کرنا میرے لیے اعزاز کی بات ہے۔واضح رہے کہ مس ٹرانس پاکستان کے ذریعے ٹرانس جینڈرز کو بیرونِ ملک بھی اپنی کمیونٹی کی نمائندگی کرنے کا موقع ملتا ہے۔