پولیس کی بھاری نفری پرویزالہٰی کی رہائشگاہ کے باہر تاحال موجود

05-26-2023

(ویب ڈیسک) سابق وزیراعلیٰ پنجاب چوہدری پرویزالہٰی کی گرفتاری کا آپریشن طول پکڑ گیا۔

اینٹی کرپشن اور پولیس کی ٹیم نے دو مرتبہ چھاپہ مارا لیکن ناکام رہی۔ پولیس کی بھاری نفری پرویزالہٰی کے رہائش گاہ کے باہر تاحال موجود ہے۔ پچھلے ايک روزسے پولیس پرويزالہٰی کے گھر کے باہر موجود ہے،پولیس کے اعلیٰ افسران اور اینٹی کرپشن کے افسران بھی موجود ہیں۔ لاہور اینٹی کرپشن عدالت نے جعلی میڈیکل رپورٹ اور عدم پیروی کی بنا پر پرویز الہٰی کی عبوری ضمانت خارج کردی تھی،عدالت کے بعد پولیس کی بھاری نفری تعینات رہی تاہم پرویز الہٰی عدالت پیش نہ ہوئے۔