چیف جسٹس سے اظہار یکجہتی کیلئے ریلی: پی ٹی آئی نے روٹ کا شیڈول جاری کردیا

05-05-2023

(لاہور نیوز) پاکستان تحریک انصاف نے چیف جسٹس سے اظہار یکجہتی کے لیے ہفتے کے روز نکالی جانیوالی ریلی کے روٹ کا شیڈول جاری کردیا۔

رہنما تحریک انصاف حماد اظہر نے کہا ہے کہ چیف جسٹس سے اظہار یکجہتی کیلئے بروز ہفتہ، دوپہر تین بجے  زمان پارک سے لکشمی چوک تک ریلی نکالی جائے گی، ریلی کی قیادت چیئرمین عمران خان کریں گے، ریلی کا مقصد ملک میں آئین، جمہوریت اور انسانی حقوق کا تحفظ ہے۔ ان کا مزید کہنا تھا کہ ریلی کا روٹ زمان پارک، اقبال روڈ (گڑھی شاہو)، ریلوے سٹیشن، نشتر روڈ، میکلوڈ روڈ، لکشمی چوک ہوگا۔