پی ٹی آئی مینار پاکستان میں پنڈال سجانے کیلئے تیار، عمران خان بلٹ پروف کنٹینر سے خطاب کریں گے

03-25-2023

(لاہور نیوز) پی ٹی آئی مینار پاکستان میں پنڈال سجانے کیلئے تیار ہوچکی جبکہ عمران خان بلٹ پروف کنٹینر سے خطاب کریں گے۔

تفصیلات کے مطابق مینار پاکستان کے احاطے میں60 کنٹینرز لگادئیے گئے ہیں ،جلسہ گاہ میں 10 ہزار کرسیاں لگائی جائیں گی جبکہ جلسے کیلئے  120 فٹ چوڑا اور 19 فٹ لمبا سٹیج تیار کیا جائے گا۔تاریخ میں پہلی بار  سیاسی جلسے کی سرکاری سطح پر سی سی ٹی وی کیمروں سے  مانیٹرنگ ہو گی۔