پی ایس ایل کا فائنل جیتنے پر حارث روف کے تاثرات کیاتھے؟ویڈیو سوشل میڈیا پر وائرل

03-19-2023

(ویب ڈیسک)پاکستان سپر لیگ کے آٹھویں سیز ن میں ملتان سلطانز کو پچھاڑ کر فاتح بننے والی ٹیم لاہور قلندرز کے فاسٹ باولر حارث روف کے جیت پر خوشی کے تاثرات کی ویڈیو سوشل میڈیا پر وائرل ہوگئی ۔

تفصیلات کےمطابق پی ایس ایل فائنل جیتنے کے بعد لاہور قلندرز کے تمام کھلاڑی اور انتظامیہ خوشی کے مارے میدان میں آ گئی اور اسی دوران حارث رؤف خوشی کے مارے اپنے آنسوؤں پر قابو نہ پا سکے جس کی ویڈیو سوشل میڈیا پر بھی وائرل ہے۔ ویڈیو میں دیکھا جا سکتا ہے کہ حارث رؤف رو رہے ہیں اور سی او او لاہور قلندرز ثمین رانا انہیں دلاسہ دے رہے ہیں، ساتھی کھلاڑی راشد خان بھی حارث رؤف کی حوصلہ افزائی کر رہے ہیں۔