انشا آفریدی اور اقصی آفریدی کے ملتے جلتے چہروں نے سٹیڈیم میں سب کو چکرا کر رکھ دیا

03-19-2023

(ویب ڈیسک)شاہد آفریدی کی صاحبزادیوں کے ملتے جلتے چہروں نے گزشتہ روز لاہور کے قذافی سٹیڈیم میں شائقین اور کیمرہ مین تک سب کو حیرت میں ڈالے رکھا کوئی بھی انشا اور اقصی آفریدی میں فرق معلوم نہ کرسکا۔

تفصیلا ت کےمطابق قذافی اسٹیڈیم میں قلندرز اور سلطانز کے درمیان کھیلے گئے ایچ بی ایل پی ایس ایل 8 کا فائنل دیکھنے شاہد آفریدی کی دونوں بڑی بیٹیاں اقصیٰ آفریدی اور انشا اسٹیڈیم میں کراؤڈ کے درمیان موجود تھیں۔میچ کے دوران کیمرا مین بار بار کراؤڈ میں بیٹھی شاہد آفریدی کی بڑی بیٹی اور شاہین کی سالی اقصیٰ آفریدی کو دکھاتا رہا جسے مداحوں نے انشا سمجھ لیا اور متعدد ٹوئٹس کرڈالیں۔درحقیقت میچ کے دوران انشا کو دکھایا ہی نہیں گیا، میچ کے بعدکی ایک ویڈیو سامنے آئی جس میں اسٹیڈیم کے اندر شاہین، اقصیٰ اور انشا سےگفتگو کر رہے تھے جب کہ انشا نے چہرے کو ماسک سے ڈھانپا ہوا تھا۔اس کے علاوہ شاہین نے انشا کے ہمراہ ٹرافی پکڑے تصویر بھی لی جو سوشل میڈیا پر وائرل ہے اور انشا ٹوئٹر پر ٹاپ ٹرینڈ کررہی ہیں۔