مسلم لیگ ن ہی پاکستان کو بھنور سے نکالے گی: مریم نواز

01-28-2023

(ویب ڈیسک) مسلم لیگ (ن) کی رہنما مریم نواز نے کہا ہےکہ نواز شریف کی لیڈر شپ میں پاکستان کو بھنور سے نکالیں گے۔

مریم نواز آج شام امارات سے لاہور پہنچیں گی اور ان کی آمد کے لیے (ن) لیگ نے تیاریاں مکمل کرلی ہیں۔ دبئی میں پارٹی رہنماؤں سے گفتگو کرتے ہوئے مریم نواز نے کہا کہ آنے والا وقت پاکستان مسلم لیگ (ن) کا ہے ، نواز شریف کی لیڈر شپ میں پاکستان کو بھنور سے نکالیں گے۔ دوسری جانب کیپٹن (ر) صفدر نے کہا کہ مریم نواز اپنے والد کا نظریہ آگے چلانے کے لیے آرہی ہیں، الیکشن سے پہلے معیشت کو ٹھیک کرلیا جائے گا۔