جنرل ہسپتال میں مریضوں کی سہولیات کی نگرانی کیلئے ویجلینس کمیٹی قائم

11-01-2026

(لاہور نیوز) جنرل ہسپتال میں مریض دوست ماحول کے فروغ اور طبی سہولیات کی بہتری کے لیے اعلیٰ سطحی ویجلینس کمیٹی تشکیل دے دی گئی۔

پرنسپل پروفیسر ڈاکٹر جودت سلیم نے ہسپتال کے تمام شعبوں کی نگرانی کے لیے کمیٹی قائم کی ہے، جو باقاعدہ اور اچانک معائنے کرے گی۔ پروفیسر ڈاکٹر حسن سلیمان کو کمیٹی کا چیئرمین مقرر کیا گیا ہے جبکہ ڈاکٹر آمنہ آصف اور ڈاکٹر مبشر فرحان کو ممبران نامزد کیا گیا ہے، کمیٹی وارڈز، ایمرجنسی اور او پی ڈیز میں نظم و ضبط اور طبی سہولیات کی فراہمی کا جائزہ لے گی۔ ویجلینس کمیٹی ڈاکٹرز اور دیگر عملے کی حاضری، مریضوں کی نگہداشت اور طبی ریکارڈ کی جانچ پڑتال کرے گی۔ اس کے علاوہ ہسپتال میں صفائی، تعمیر و مرمت، جنٹوریل عملے کی کارکردگی، سکیورٹی انتظامات، ویسٹ ڈسپوزل اور انفیکشن کنٹرول کے طریقہ کار کی بھی نگرانی کی جائے گی۔ مریضوں اور تیمارداروں کو بہتر سہولیات فراہم کرنے کے لیے خامیوں کی نشاندہی کے ساتھ فوری اقدامات کیے جائیں گے۔ کمیٹی اپنی ہفتہ وار رپورٹ براہ راست پرنسپل کو پیش کرے گی، جبکہ سنگین غفلت سامنے آنے کی صورت میں فوری رپورٹ مرتب کرکے کارروائی عمل میں لائی جائے گی۔ اس موقع پر پروفیسر ڈاکٹر جودت سلیم کا کہنا تھا کہ مؤثر مانیٹرنگ سے ہسپتال کی کارکردگی میں مزید بہتری آئے گی اور مریضوں کو بہتر طبی سہولیات کی فراہمی یقینی بنانے میں مدد ملے گی۔بہتر انتخاب: عنوان نمبر 1 — اس میں اقدام اور اس کا بنیادی مقصد دونوں واضح ہیں۔