اچار کا زیادہ استعمال صحت کیلئے کیسے تقصان دہ ہے؟

10-28-2026

(ویب ڈیسک) اچار کھانے کا ذائقہ بڑھاتا ہے، تاہم اس کا زیادہ استعمال صحت کے مسائل کا سبب بن سکتا ہے۔

ماہرین کے مطابق اچار کی بعض اقسام میں نمک کی مقدار زیادہ ہوتی ہے، جس سے جسم میں سوڈیم بڑھ سکتا ہے اور بلند فشارِ خون کا خدشہ پیدا ہوتا ہے، بلڈ پریشر میں مسلسل اضافے سے دل، خون کی شریانوں اور گردوں کی صحت متاثر ہو سکتی ہے۔ تیل میں تیار کئے جانے والے اچار کے صحت پر اثرات کا انحصار استعمال ہونے والے تیل کی قسم اور مقدار پر ہوتا ہے، غیر صحت بخش چکنائی کی زیادہ مقدار نقصان دہ کولیسٹرول بڑھا سکتی ہے، تاہم ہر قسم کے اچار میں ایسی چکنائی موجود ہونا ضروری نہیں۔ اچار کی تیاری کے دوران بعض وٹامنز کی مقدار بھی کم ہو سکتی ہے، ماہرین کے مطابق اچار مکمل طور پر ترک کرنا ضروری نہیں، البتہ اس کا استعمال اعتدال میں رکھنا، کم نمک والی اقسام منتخب کرنا اور متوازن غذا اپنانا بہتر ہے۔