قومی ہاکی ٹیم اذلان شاہ کپ میں شرکت کرے گی

10-17-2026

(لاہور نیوز) پاکستان ہاکی ٹیم سلطان ازلان شاہ کپ ہاکی ٹورنامنٹ میں شرکت کرے گی۔

پاکستان ہاکی فیڈریشن کے صدر محی الدین وانی نے تصدیق کی ہےکہ پاکستان نے نومبر میں ہونے والے سلطان اذلان شاہ کپ میں شرکت کی دعوت قبول کر لی ہے۔ انہوں نے کہا کہ سلطان ازلان کپ میں شرکت سے پاکستان ٹیم کو انٹرنیشنل ٹیموں سے کھیلنے کا مزید موقع ملے گا، پاکستان کے کھلاڑیوں کو انٹرنیشنل مقابلوں میں حصہ لینے سے غیر معمولی تجربہ ملے گا۔ محی الدین وانی کا کہنا تھا کہ پاکستان انڈر 21 ٹیم پہلے ہی سلطان آف جوہر کپ میں شرکت کے لیے ملائیشیا میں موجود ہے، ٹورنامنٹ میں شرکت سے نوجوان کھلاڑیوں کو انٹرنیشنل ایکسپوژر  ملے گا اور ان کی صلاحیتوں کا جائزہ لیا جا سکے گا۔