پی ٹی آئی لانگ مارچ، پنجاب میں امن و امان کی صورتحال نارمل ہے: آئی جی پنجاب

10-06-2026

(لاہور نیوز) آئی جی پنجاب نے کہا ہے کہ پی ٹی آئی کے لانگ مارچ کے حوالے سے صوبے میں امن و امان کی صورتحال معمول کے مطابق ہے اور تمام چھوٹی بڑی سڑکیں کھلی ہیں۔

آئی جی پنجاب کے مطابق لاہور سمیت صوبے بھر میں امن و امان کی صورتحال پر کڑی نظر رکھی جا رہی ہے جبکہ کسی مقام پر سڑکوں کی بلاکیج نہیں ہے، پنجاب میں امن و امان برقرار رکھنے کیلئے متعلقہ ادارے متحرک ہیں، ناقص کارکردگی میں ملوث کسی بھی اہلکار کے خلاف قانون اور قواعد کے مطابق کارروائی کی جائے گی اور غفلت برداشت نہیں کی جائے گی۔