لاہور میں کرنٹ لگنے سے 30 سالہ کباڑیہ جاں بحق

09-26-2026

(لاہور نیوز) صوبائی دارالحکومت کے علاقے برکی، براہمن آباد میں دکان منتقل کرتے ہوئے 11 ہزار وولٹ کی بجلی کی تار سے کرنٹ لگنے کے نتیجے میں 30 سالہ شخص جاں بحق ہوگیا۔

  ایدھی ترجمان کے مطابق عدنان نامی کباڑیہ دکان کا سامان سمیٹ کر منتقل کر رہا تھا کہ لوہے کا باکس اوپر سے گزرنے والی 11 ہزار وولٹ کی تار سے چھو گیا، جس کے باعث اسے شدید کرنٹ لگا اور وہ موقع پر ہی دم توڑ گیا۔ واقعے کی اطلاع ملنے پر ایدھی رضاکار موقع پر پہنچ گئے، پولیس کی کارروائی مکمل ہونے کے بعد ایدھی رضاکاروں نے جاں بحق شخص کی لاش ایدھی ایمبولینس کے ذریعے مردہ خانے منتقل کردی۔