فیفا آسیان کپ: پاکستان کا مایوس کن آغاز، تھائی لینڈ نے 0-4 سے شکست دے دی

09-26-2026

(لاہور نیوز) انڈونیشیا میں جاری فیفا آسیان کپ میں پہلی بار فیفا ایونٹ میں شرکت کرنے والی پاکستانی فٹبال ٹیم کا آغاز مایوس کن رہا، افتتاحی میچ میں پاکستان کو تھائی لینڈ کے ہاتھوں 0-4 سے شکست کا سامنا کرنا پڑا۔

  تھائی لینڈ کی جانب سے تیراسک پوئی فیمائی نے شاندار کارکردگی کا مظاہرہ کرتے ہوئے ہیٹ ٹرک سکور کی جب کہ ایک اور گول نے تھائی ٹیم کی کامیابی کو چار گول سے مکمل کیا۔ پاکستانی ٹیم نے مقابلے کے دوران مزاحمت کی کوشش کی، تاہم تھائی لینڈ کے حملوں کو روکنے میں کامیاب نہ ہوسکی۔ خیال رہے پاکستانی ٹیم اب ایونٹ میں اپنے دوسرے میچ میں 29 ستمبر کو فلپائن کے مدمقابل ہوگی، جہاں قومی ٹیم کامیابی حاصل کرکے ایونٹ میں واپسی کی کوشش کرے گی۔