بارش سے بجلی کا ترسیلی نظام بری طرح متاثر، فیڈرز ٹرپ

07-30-2026

(لاہور نیوز) بارش کے باعث لیسکو کا ترسیلی نظام متاثر ہو گیا، جس کے نتیجے میں 100 سے زائد فیڈرز ٹرپ کر گئے اور مختلف علاقوں میں بجلی کی فراہمی معطل ہو گئی۔

لیسکو کے مطابق سسٹم میں فنی خرابیاں اور بعض علاقوں میں ٹرانسفارمرز کی خرابی کے باعث بجلی کی سپلائی متاثر ہوئی، وقفے وقفے سے جاری بارش کے باعث انفرادی شکایات میں بھی اضافہ ریکارڈ کیا گیا ہے۔ لیسکو حکام کا کہنا ہے کہ بارش کی وجہ سے لائن سٹاف کو مرمتی کام اور بجلی کی بحالی میں مشکلات کا سامنا ہے، تاہم متاثرہ علاقوں میں بجلی کی فراہمی بحال کرنے کیلئے ٹیمیں مسلسل کام کر رہی ہیں۔