پاکستان جونیئر سکواش ٹیم ورلڈ چیمپئن شپ میں شرکت کے لیے کینیڈا روانہ

07-17-2026

(لاہور نیوز) ورلڈ جونیئر سکواش چیمپئن شپ 2026 میں شرکت کے لیے پاکستان جونیئر اسکواش ٹیم اسلام آباد انٹرنیشنل ایئرپورٹ سے کینیڈا روانہ ہو گئی۔

  ورلڈ جونیئر سکواش چیمپئن شپ 20 سے 31 جولائی تک کینیڈا میں کھیلی جائے گی، جس میں 24 ممالک کے 19 سال سے کم عمر کے 185 کھلاڑی حصہ لیں گے۔ قومی ٹیم کے ہمراہ منیجر منصور زمان اور ہیڈ کوچ فہیم گل بھی کینیڈا روانہ ہوئے ہیں، عبداللہ نواز، نعمان خان، محمد عمیر عارف اور یحییٰ خان ایونٹ میں پاکستان کی نمائندگی کریں گے۔ قومی جونیئر سکواش ٹیم نے عزم ظاہر کیا ہے کہ وہ عالمی سطح پر عمدہ کارکردگی کا مظاہرہ کرتے ہوئے پاکستان کا نام روشن کرے گی۔