سٹاک مارکیٹ میں تیزی، ہنڈرڈ انڈیکس ایک لاکھ 72 ہزار پوائنٹس کی حد پر بحال

06-12-2026

(لاہورنیوز)پاکستان سٹاک مارکیٹ میں ہنڈرڈ انڈیکس ایک لاکھ 72 ہزار پوائنٹس کی حد پر بحال ہوگیا۔

  کاروباری ہفتے کے پانچویں اور آخری روز کاروبار کے آغاز پر سٹاک ایکسچینج میں زبردست تیزی دیکھنے میں آئی، 1900 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 71 ہزار 692 پوائنٹس کی سطح پر پہنچ گیا۔ ٹریڈنگ کے پہلے سیشن کا اختتام مثبت زون میں ہوا، 100 انڈیکس 1955 پوائنٹس بڑھ کر 1 لاکھ 71 ہزار 659 پوائنٹس کی سطح پر بند ہوا۔ تاہم ٹریڈنگ کے دوسرے سیشن میں بھی کاروبار کا مثبت رجحان برقرار رہا جس کے باعث کاروباری روز کے اختتام پر ہنڈرڈ انڈیکس 2696 پوائنٹس اضافے کیساتھ ایک لاکھ 72 ہزار 399 پوائنٹس کی سطح پر بند ہوا۔ سٹاک مارکیٹ میں آج 30 ارب 73 کروڑ 7 لاکھ 680 روپے مالیت کے 32 کروڑ ایک ہزار 208 شیئرز کا لین دین ہوا۔واضح رہے کہ گزشتہ کاروباری دن کے اختتام پر سٹاک مارکیٹ میں ہنڈرڈ انڈیکس ایک لاکھ 69 ہزار 703 پوائنٹس کی سطح پر بند ہوا تھا۔