مریم نواز نے موٹر سائیکل سواروں کو بڑی خوشخبری سنادی

05-12-2026

(لاہور نیوز) وزیر اعلیٰ پنجاب مریم نواز نے موٹر سائیکل سواروں کو بڑی خوشخبری سنادی ہے۔

وزیر اعلیٰ پنجاب مریم نواز نے سوشل میڈیا پوسٹ شیئر کرتے ہوئے کہا کہ ایندھن کی قیمتوں میں ریلیف کے لیے 150 سی سی تک کی موٹر سائیکلوں کی ٹرانسفر فیس ختم کرنے کا فیصلہ کیا ہے۔ پنجاب میں موٹرسائیکل سواروں کے لیے حکومت کی جانب سے اپریل-مئی 2026 میں کئی اہم اقدامات اور ریلیف پیکیجز کا اعلان کیا گیا ہے، جن کا مقصد عام آدمی کو معاشی سہولت اور ٹریفک کی حفاظت کو یقینی بنانا ہے۔  رجسٹرڈ موٹرسائیکل مالکان کو ماہانہ 20 لیٹر تک پیٹرول پر 100 روپے فی لیٹر سبسڈی دی جائے گی۔  6 اپریل تا 5 مئی 2026 تک موٹرسائیکل ٹرانسفر فیس (605 روپے)، ایڈیشنل رجسٹریشن مارک فیس (1000 روپے) اور اسمارٹ کارڈ فیس (1300 روپے) معاف کر دی گئی ہے۔  شہری "مریم کو بتائیں” ایپ، ہیلپ لائن 1000 یا سرکاری ویب پورٹل کے ذریعے سبسڈی کے لیے اپلائی کر سکتے ہیں۔