وفاقی آئینی عدالت کے ملازمین کیلئے بڑی خوشخبری، الاؤنسز میں بڑا اضافہ
05-02-2026
(لاہورنیوز) وفاقی آئینی عدالت کے ملازمین کیلئے بڑی خوشخبری، چیف جسٹس وفاقی آئینی عدالت نے الاؤنسز میں بڑے اضافے کی منظوری دے دی۔
وفاقی آئینی عدالت کے چیف جسٹس امین الدین خان کی منظوری پر آفس آرڈر جاری کر دیا گیا۔ملازمین کے جوڈیشل اور یوٹیلیٹی الاؤنس میں موجودہ بیسک سیلری کے 50 فیصد تک اضافہ کیا گیا، نئے الاؤنسز کا اطلاق وفاقی آئینی عدالت کے تمام ملازمین پر فوری طور پر ہوگا۔ اضافی الاؤنسز غیر معمولی چھٹی کے دوران قابل قبول نہیں ہوں گے، اخراجات عدالت کے مالی سال 26-2025 کے مختص بجٹ سے پورے کیے جائیں گے۔ایڈیشنل رجسٹرار ایڈمن نے الاؤنسز میں اضافے کا باضابطہ آفس آرڈر جاری کر دیا۔