میں فہیم اشرف ہوں، میں عبدالرزاق یا اظہر محمود نہیں بن سکتا: آل راؤنڈرٹیم اسلام آباد یونائیٹڈ

04-17-2026

(ویب ڈیسک) اسلام آباد یونائیٹڈ کے آل راؤنڈر فہیم اشرف نے کہا ہے کہ وہ خود کو عبدالرزاق یا اظہر محمود کے قریب سمجھتے ہیں نہ ہی ان سے دور۔

کراچی کنگز کے خلاف فتح کے بعد پریس کانفرنس کرتے ہوئے انہوں نے کہا میں فہیم اشرف ہوں، میں عبد الرزاق یا اظہر محمود نہیں بن سکتا، جو آج تنقید کرتے ہیں ماضی میں بھی ایسے ہی تھے۔ انہوں نے کہا کہ پاکستان کرکٹ کو سپورٹ کریں تاکہ آنے والے بچے کرکٹ کا سوچیں، ہمیں آپس میں ایک دوسرے سے نفرتیں کم کرنا ہوں گی، دوستی یاری سے بالا ہوکر سوچنا ہوگا۔ فہیم اشرف نےسمیر منہاس کی تعریف کرتے ہوئے کہا کہ  سمیر منہاس ایک سمجھ دار کھلاڑی ہے اور انہوں نے آج شاندار بیٹنگ کی ہے۔