سونے کی قیمت میں بڑا اضافہ، فی تولہ سونا 4 لاکھ 99 ہزار سے متجاوز

04-14-2026

(لاہور نیوز) عالمی اور مقامی سطح پر سونے اور چاندی کی قیمتوں میں نمایاں اضافہ ریکارڈ کیا گیا۔

مقامی صرافہ مارکیٹ کے مطابق 24 قیراط فی تولہ سونا 4600 روپے مہنگا ہو کر 4 لاکھ 99 ہزار 962 روپے تک پہنچ گیا، جبکہ 10 گرام سونا 3 ہزار 943 روپے اضافے کے بعد 4 لاکھ 28 ہزار 636 روپے کا ہو گیا۔ اسی طرح چاندی کی قیمت میں بھی اضافہ دیکھا گیا ہے، جہاں 24 قیراط فی تولہ چاندی 326 روپے مہنگی ہو کر 8 ہزار 260 روپے پر پہنچ گئی۔ بین الاقوامی مارکیٹ میں بھی اضافہ ریکارڈ کیا گیا ہے، جہاں فی اونس سونا 46 ڈالر بڑھ کر 4 ہزار 776 ڈالر تک پہنچ گیا۔