دھوپ کے باوجود موسم خوشگوار، 13 سے 17 اپریل کے دوران بارش کا امکان

04-12-2026

(لاہور نیوز) شہر میں آج صبح کا آغاز ہلکی خنکی اور خوشگوار موسم کے ساتھ ہوا، جبکہ سورج کی تیز کرنوں نے دن کو روشن بنا دیا۔

 محکمہ موسمیات کے مطابق موجودہ درجہ حرارت 23 ڈگری سینٹی گریڈ ریکارڈ کیا گیا ہے، اور آج زیادہ سے زیادہ درجہ حرارت بھی اسی سطح تک رہنے کا امکان ہے۔ محکمہ موسمیات کا کہنا ہے کہ ہوا میں نمی کا تناسب 49 فیصد ریکارڈ کیا گیا ہے، جو موسم کو معتدل رکھنے میں مددگار ثابت ہو رہا ہے۔ شہر میں اس وقت 6 کلومیٹر فی گھنٹہ کی رفتار سے ہلکی ہوائیں چل رہی ہیں، جس کے باعث موسم مزید خوشگوار محسوس کیا جا رہا ہے۔ محکمہ موسمیات نے واضح کیا ہے کہ آج شہر میں بارش کا کوئی امکان نہیں ہے، اور موسم خشک رہے گا۔ تاہم شہریوں کو خبردار کیا گیا ہے کہ 13 سے 17 اپریل کے دوران تیز ہواؤں اور گرج چمک کے ساتھ بارش متوقع ہے، جس کے باعث موسم میں نمایاں تبدیلی آ سکتی ہے۔ شہریوں کو مشورہ دیا گیا ہے کہ آئندہ دنوں کے ممکنہ موسمی حالات کے پیش نظر احتیاطی تدابیر اختیار کریں۔