شفیق آباد پولیس کی کارروائی، دو منشیات فروش گرفتار

04-10-2026

(لاہور نیوز) شفیق آباد پولیس نے منشیات فروشوں کے خلاف کامیاب کارروائی کرتے ہوئے دو ملزمان کو گرفتار کر لیا۔

پولیس کے مطابق ملزمان کے قبضے سے ہزاروں روپے مالیت کی 620 گرام آئس برآمد ہوئی ہے، حکام کا کہنا ہے کہ گرفتار افراد لاہور کے مختلف علاقوں میں منشیات فروخت کرنے میں ملوث تھے۔ ایس پی سٹی کے مطابق کارروائی اے ایس آئی نوید کی سربراہی میں کی گئی، جس دوران ملزمان کو گرفتار کیا گیا، پولیس نے بتایا کہ ملزمان کی شناخت وحید اور اعجاز کے نام سے ہوئی ہے، جو پیدل گھوم کر منشیات فروشی کرتے تھے۔ پولیس نے دونوں ملزمان کے خلاف مقدمات درج کر کے مزید تفتیش کا آغاز کر دیا ہے، جبکہ شہر میں منشیات کے خلاف کارروائیاں جاری رکھنے کے عزم کا اظہار بھی کیا گیا ہے۔