لاہور: بارشوں کا سلسلہ جاری، وارڈنز کو ٹریفک کی روانی یقینی بنانےکا حکم

04-07-2026

(لاہور نیوز) لاہور سمیت پنجاب بھر میں بارشوں کا سلسلہ جاری، حکام نے تمام سی ٹی اوز اور ڈی ٹی اوز کو ٹریفک کی روانی یقینی بنانے کا حکم دے دیا۔

ڈی آئی جی ٹریفک پنجاب محمد وقاص نذیر  نے لاہور سمیت پنجاب بھر میں تمام سی ٹی اوز اور ڈی ٹی اوز کو دوران بارش ٹریفک روانی یقینی بنانے کی ہدایت کرتے ہوئے کہا کہ سپروائزری اور فیلڈ سٹاف مل کر شہریوں کی مدد کیلئے متحرک رہیں۔ اُنہوں  نے مزید کہا کہ لفٹر بریک ڈاؤن سروسز کو فیلڈ میں رکھنے کا حکم دیتے ہوئے فیلڈ سٹاف کو چھتری برساتی کا استعمال کرتے ہوئے خود کو محفوظ رکھنے کی ہدایت بھی کی اور کہا ٹریفک کی روانی کے لیے تمام دستیاب وسائل کو بروئے کار لائے جائیں۔ علاوہ ازیں ڈی آئی جی ٹریفک نے موسم کے پیش نظر شہریوں سے بھی غیر ضروری سفر سے اجتناب کرنے کی اپیل کی ہے۔