کاہنہ : پنکھے سے لٹکی لاش ملنے کا واقعہ، ڈی آئی جی آپریشنز کا نوٹس

03-26-2026

(لاہور نیوز) کاہنہ کے علاقہ میں پنکھے سے لٹکی لاش ملنے کے واقعے کا ڈی آئی جی آپریشنز نے نوٹس لے لیا۔

تفصیلات کے مطابق لاہور کے علاقے کاہنہ کی چوکی انڈسٹریل ایریا میں پنکھے سے لٹکی لاش کی شناخت افتخار کے نام سے ہوئی ہے، واقعہ کا ڈی آئی جی آپریشنز فیصل کامران نے سخت نوٹس لیا جس کے بعد چوکی انچارج سمیت تمام عملہ کو حراست میں لے لیا گیا ہے۔ ڈی آئی جی آپریشنز فیصل کامران نے کہا ہے کہ تفتیش جاری ہےکہ افتخار کو چوکی کیوں لایا گیا۔ ایس ایس پی آپریشنز، ایس پی ماڈل ٹاون اور ڈی ایس پی بھی موقع پر موجود تھے، افتخار کی موت کے پس پردہ حقائق جاننے کے لیے تمام پہلوؤں پر تفتیش جاری ہے، مقتول کے ورثا کی درخواست پر مقدمہ درج کرنے کی کارروائی کا آغاز کر دیا گیا ہے، واقعہ کی تفصیلی رپورٹ اور شواہد کی روشنی میں مزید فیصلہ کیا جائے گا۔