پنجاب: سکولوں کی چھٹیوں میں اضافے کے متعلق خبریں جعلی قرار

03-24-2026

(دنیا نیوز) وزیر تعلیم پنجاب رانا سکندر حیات نے سکولوں کی چھٹیوں میں اضافے کے حوالے سے واضح کیا ہے کہ فی الحال کوئی فیصلہ نہیں کیا گیا۔

صوبائی دارالحکومت سے جاری ہونے والے بیان میں رانا سکندر حیات  نے جعلی خبروں اور افواہوں سے محتاط رہنے کی تلقین کی ہے۔ اُنہوں نے سوشل میڈیا اور میڈیا پر گردش کرنے والی غیر مصدقہ رپورٹس کی تردید کرتے ہوئے کہا ہے کہ اس معاملے پر ابھی کوئی حتمی اعلان نہیں ہوا، لہٰذا والدین، طلبہ اور اساتذہ صرف سرکاری ذرائع سے تصدیق شدہ معلومات پر انحصار کریں۔ واضح رہے اِس سے قبل موسم سرما کی چھٹیوں کے دوران بھی ایسے ہی افواہوں کا سلسلہ چلا تھا، جنہیں رانا سکندر حیارت نے بار بار جعلی قرار دیا تھا۔