عید تعطیلات میں ریلوے ریزرویشن سینٹرز کب کھلے رہیں گے؟ شیڈول جاری

03-17-2026

(لاہور نیوز) ریلوے ہیڈکوارٹر نے ریزرویشن سینٹرز کے عید تعطیلات کے اوقات کار جاری کر دیئے تاکہ مسافروں کو پیشگی معلومات فراہم کی جا سکے۔

ریلوے حکام کے مطابق عید الفطر کے پہلے روز ملک بھر میں ریزرویشن سینٹرز مکمل طور پر بند رہیں گے، تاہم دوسرے دن ریزرویشن سینٹرز صبح 8 بجے سے دوپہر 2 بجے تک کھلے رہیں گے تاکہ مسافروں کو سہولت فراہم کی جا سکے۔ اعلامیے کے مطابق عید کے تیسرے روز سے ریلوے ریزرویشن سینٹرز معمول کے مطابق اپنے اوقات کار  کے تحت کام شروع کر دیں گے۔ ریلوے حکام  نے مسافروں کو مشورہ دیا ہے کہ وہ عید کے دوران سفر کی منصوبہ بندی کرتے ہوئے ان اوقات کار کو مدنظر رکھیں تاکہ کسی بھی قسم کی پریشانی سے بچا جا سکے۔