ایل پی جی کی فی کلو قیمت 500 روپے تک پہنچنے کا خدشہ

03-16-2026

(لاہور نیوز) چیئرمین ایل پی جی ڈسٹری بیوشن عرفان کھوکھر نے کہا ہے کہ ایف آئی اے کی جانب سے بلاجواز ایل پی جی کے جہاز پر چھاپے کی بھرپور مزمت کرتے ہیں۔ ایف آئی اے کی مداخلت سے امپورٹرز نے جہاز نہ منگوانے کا عندیہ دے دیا تاہم ایل پی جی کی فی کلو قمیت 500 روپے تک پہنچنے کا خدشہ بڑھ گیا ہے۔

عرفان کھوکھر  نے کہا کہ ایف آئی اے کا جہاز پر جا کر چھاپہ مارنے سے ایل پی جی کا کاروبار کرنے والے ڈیلرز میں شدید تشویش پائی جاتی ہے، ایف آئی اے کی مداخلت سے امپورٹرز نے جہاز نا منگوانے کا عندیہ دے دیا۔ انہوں نے کہا کہ گیس کی قلت پیدا ہونے سے ایل پی جی کی فی کلو قمیت 500 روپے تک پہنچنے کا خدشہ ہے۔ قدرتی گیس کی شارٹیج ہے اور ایل این جی 14 مارچ سے آنا بند ہو گئی ہے، حکومت فوری نوٹس لے اور بے جا مداخلت کو بند کروایا جائے، وزیر اعظم اس معاملے کا فوری نوٹس لیں ورنہ غریب کا چولہا رمضان میں بند ہو جائے گا۔