اسسٹنٹ ایڈووکیٹ جنرل پنجاب کو نئی عدالتی ذمہ داری سونپ دی گئی

03-15-2026

(لاہور نیوز) اسسٹنٹ ایڈووکیٹ جنرل پنجاب محمد عثمان خان کو نئی عدالتی ذمہ داری سونپ دی گئی،محمد عثمان خان اب جسٹس مسعود عابد نقوی کی عدالت میں پنجاب حکومت کے سرکاری مقدمات کی پیروی کریں گے۔

ذرائع کے مطابق ایڈووکیٹ جنرل پنجاب نے اسٹنٹ ایڈوکیٹ جنرل محمد عثمان خان کو یہ اہم قانونی ذمہ داری تفویض کی ہے تاکہ وہ صوبائی حکومت کی نمائندگی مؤثر انداز میں کر سکیں اور سرکاری مقدمات میں حکومت کے موقف کو مضبوطی سے پیش کریں۔ محمد عثمان خان بطور اسسٹنٹ ایڈووکیٹ جنرل اب عدالت میں پنجاب حکومت کی طرف سے پیش ہوکر مقدمات کی پیروی کریں گے۔