قیاس آرائیاں افسوسناک، پنجاب حکومت کا جہاز تکنیکی معائنے کیلئے ویانا گیا: عظمیٰ بخاری
03-13-2026
(لاہور نیوز) صوبائی وزیراطلاعات عظمیٰ بخاری نے کہا ہے کہ پنجاب حکومت کا جہاز تکنیکی معائنے کیلئے ویانا گیا ہے۔
سماجی رابطے کی ویب سائٹ ایکس پر جاری بیان میں وزیر اطلاعات پنجاب عظمیٰ بخاری نے کہا کہ حکومتِ پنجاب کا جہاز تکنیکی معائنے کیلئے ویانا گیا ہے جس کے بارے میں جاری قیاس آرائیاں نا صرف حقائق کے برعکس ہیں بلکہ افسوسناک بھی ہیں۔ انہوں نے کہا کہ ایک متعین مدت میں جہاز کا تکنیکی معائنہ کنٹریکٹ کا حصہ ہوتا ہے، معمول کے معائنے پر بے پر کی اڑانے والوں کو بامقصد کاموں پر توجہ دینے کی ضرورت ہے۔