لاہور میں بارش، واسا ہائی الرٹ، نکاسی آب کیلئے فیلڈ ٹیمیں متحرک

03-12-2026

(لاہور نیوز) صوبائی دارالحکومت لاہور میں بارش کے بعد واسا کو ہائی الرٹ اور نکاسی آب کیلئے فیلڈ ٹیموں کو متحرک کر دیا گیا۔

ڈی سی لاہور کی ہدایت پر تمام ڈسپوزل سٹیشنز مکمل فعال اور مشینری آپریشنل ہے، لاہور کی تمام مرکزی شاہراہیں، انڈر پاسز اور نشیبی علاقے ٹریفک کیلئے کلیئر رکھنے کی ہدایت کی گئی ہے۔انہوں نے بارش کے پانی کی فوری نکاسی کو ہر صورت یقینی بنانے کی ہدایت کرتے ہوئے کہا کہ تمام ڈسپوزل سٹیشنز پوری استعداد پر چلائے جائیں، فیلڈ میں موجود تمام ٹیمیں متحرک اور الرٹ رہیں۔ ڈی سی لاہور کا مزید کہنا تھا کہ ہماری کوشش ہے کہ شہریوں کو بارش کے دوران کسی قسم کی مشکل کا سامنا نہ کرنا پڑے، شہری بجلی کی تاروں اور کھمبوں سے دور رہیں۔