بسنت فیسٹول: گڈی ڈور نایاب، منہ مانگی قیمتوں پر فروخت جاری

02-04-2026

(لاہور نیوز) موچی گیٹ بازار میں گڈی ڈور کی خرید و فروخت کے ساتھ گڈی بلیک میں بھی بکنے لگی۔

موچی گیٹ بازار میں ڈور کا پنا، تاوا، ڈیڑھ تاوا گڈا نایاب ہو گیا، ڈور کا 2پیس پنا بلیک میں 25 ہزار تک کا فروخت ہونے لگا، ڈیڑھ تاوا 1ہزار جبکہ تاوا گڈا 500روپے میں فروخت جبکہ  تاوا گڈا 300 روپے تک فروخت ہونے لگا۔ ڈور، گڈی مہنگی ہونے کے باوجود شہریوں کی جانب سے خریداری جاری ہے تاہم خریدار تین دن کی بسنت کے لیے منہ مانگی رقم دینے پر مجبور ہو گئے ہیں، شہریوں کا کہنا ہے کہ حکومت  قیمتوں  کو کنٹرول نہیں کر پائی،امید کی جا رہی ہے کل دیگر شہروں سے نئی سپلائی آنے سے قیمتیں معمول پر آجائیں گی۔