بسنت: دہلی گیٹ کی چھتوں کے کرایے آسمان سے باتیں کرنے لگے

02-04-2026

(ویب ڈیسک) بسنت کے تہوار کے موقع پر دہلی گیٹ اور اندرونِ شہر کی چھتیں لوگوں کے جشن منانے کی جگہ بن گئی ہیں۔

شہر کی معروف تاریخی عمارات کی چھتیں بسنت کے استقبال کیلئے سجائی جا رہی ہیں، جس کی وجہ سے چھتوں کے کرایے بھی غیر معمولی حد تک بڑھ گئے ہیں۔ رپورٹس کے مطابق دو سے تین مرلے کی چھت کا کرایہ اب تین لاکھ روپے تک پہنچ گیا ہے، جبکہ پانچ مرلے کی چھت کے کرایے 5 سے 7 لاکھ روپے تک مقرر کئے گئے ہیں۔ شہریوں کا کہنا ہے کہ کئی سال بعد بسنت کا تہوار واپس آیا ہے اس لئے وہ اسے بھرپور انداز میں منانا چاہتے ہیں اور بسنت کو کسی صورت ضائع نہیں کریں گے۔ بسنت کے دن شہری اپنے دوستوں اور اہلِ خانہ کے ساتھ چھتوں پر جمع ہو کر پتنگ بازی، موسیقی اور روایتی کھانوں کے ساتھ جشن منائیں گے، اس دوران بسنت کے رنگ دوبارہ شہر کی فضاؤں میں چھا جائیں گے اور لاہور کے شہری اس تہوار کو بھرپور انداز میں منانے کیلئے پُرعزم ہیں۔