سانحہ بھاٹی گیٹ: ماں بیٹی کی پوسٹ مارٹم رپورٹ سامنے آ گئی

02-02-2026

(لاہور نیوز) بھاٹی گیٹ پر داتا دربار کے قریب سیوریج لائن میں گر کر جاں بحق ہونیوالی ماں بیٹی کی پوسٹ مارٹم رپورٹ سامنے آ گئی۔

رپورٹ کے مطابق دونوں ماں بیٹی کے سروں پر زخم کے نشانات پائے گئے جبکہ خاتون سعدیہ کے دائیں کندھے کی ہڈی بھی ٹوٹ چکی تھی۔ رپورٹ میں بتایا گیا ہے کہ 9 ماہ کی بچی ردا فاطمہ کی گردن کی ہڈی بھی ٹوٹی ہوئی تھی، سعدیہ کی کمر پر متعدد زخموں کے نشانات تھے، دونوں کی موت سر اور گردن کی ہڈیاں ٹوٹنے کی وجہ سے ہوئیں۔ ذرائع کا کہنا ہے کہ پوسٹ مارٹم خاتون ڈاکٹر  نے کئے، جس کے بعد رپورٹ کو سیل کر دیا گیا۔