بسنت پر لاہور میں بارش ہو گی یا نہیں، چیف میٹرولوجسٹ نے بتا دیا

01-30-2026

(لاہور نیوز) چیف میٹرولوجسٹ نے بسنت فیسٹیول کے دوران لاہور میں بارش کے امکان کو مسترد کرتے ہوئے خوشگوار اور موزوں موسم کی پیشگوئی کر دی۔

چیف میٹرولوجسٹ ڈاکٹر ظہیر بابر  نے کہا ہے کہ بسنت کے تینوں دن موسم سازگار رہے گا اور بسنت منانے کے لیے موسم آئیڈیل ہوگا، جبکہ اس دوران بارش کا کوئی امکان نہیں ہے۔ ان کا کہنا تھا کہ ان دنوں بادل جزوی طور پر موجود رہیں گے، ساتھ ہی ہلکی سے معتدل ہوا بھی چلے گی۔ رات کے وقت موسم قدرے خنک رہے گا، جبکہ دن کے درجہ حرارت میں بتدریج اضافے کا امکان ہے۔چیف میٹرولوجسٹ کے مطابق شہری موسمِ بہار کے اس تہوار کو بھرپور انداز میں انجوائے کر سکیں گے۔ واضح رہے کہ پنجاب میں بسنت فیسٹیول 6 فروری سے 8 فروری تک منایا جائے گا۔