ٹریفک پولیس کی وارڈنز کو کھلے مین ہولز کی نشاندہی، رپورٹ کرنے کی ہدایت

01-30-2026

(ویب ڈیسک) لاہور میں ایک دلخراش حادثے میں کھلے مین ہول میں گرنے سے ایک ماں اور اس کی بیٹی ہلاک ہو گئیں، جس کے بعد ٹریفک پولیس نے شہریوں کی حفاظت کیلئے اپنی ذمہ داریوں میں اضافہ کر دیا۔

ٹریفک پولیس نے واقعے کے بعد تمام ٹریفک وارڈنز کو ہدایت کی ہے کہ وہ اپنے متعلقہ ٹریفک سیکٹرز میں بغیر ڈھکن والے مین ہولز اور گٹر کی نشاندہی کریں اور ان کی تصاویر بنا کر رپورٹ کریں۔ یہ رپورٹ فوری طور پر وائرلیس میسج کے ذریعے ٹریفک پولیس کو ارسال کی جائے تاکہ خطرناک مقامات کی فوری نشاندہی اور بندش ممکن ہو سکے۔ ٹریفک پولیس کا کہنا ہے کہ یہ اقدام شہریوں کی حفاظت اور مستقبل میں ایسے حادثات کی روک تھام کیلئے اٹھایا گیا ہے۔