پاکستان سٹاک مارکیٹ میں ایک لاکھ 89 ہزار پوائنٹس کی حد بحال

01-27-2026

(لاہور نیوز) پاکستان سٹاک مارکیٹ میں ایک لاکھ 89 ہزار پوائنٹس کی حد دوبارہ بحال ہو گئی۔

کاروباری ہفتے کے دوسرے روز بھی کاروبار کے آغاز پر سٹاک ایکسچینج میں تیزی دیکھنے میں آئی، 800 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 89 ہزار 434 پوائنٹس کی سطح پر پہنچ گیا۔ واضح رہے کہ گزشتہ روز ٹریڈنگ کے دوران 1800 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 91 ہزار 32 پوائنٹس کی بلند ترین سطح پر جا پہنچا۔ تاہم ٹریڈنگ کے دوران سٹاک مارکیٹ میں اچانک مندی چھا گئی جو کاروباری روز کے اختتام تک برقرار ہی جس کے باعث ہنڈرڈ انڈیکس 579 پوائنٹس کی کمی کیساتھ ایک لاکھ 88 ہزار 587 پوائنٹس کی سطح پر بند ہوا تھا۔