غازی آباد پولیس کی کارروائی،ریکارڈ یافتہ حنیف عرف ہیرا نقب زن گینگ گرفتار

01-25-2026

(لاہور نیوز) غازی آباد پولیس کی بڑی کارروائی،ریکارڈ یافتہ دو رکنی حنیف عرف ہیرا نقب زن گینگ کو گرفتار کر لیا۔

ترجمان پولیس نے بتایا کہ ایس پی کینٹ اخلاق اللہ تارڑ کی ہدایت پر نقب زن گینگ کے خلاف کارروائی کی گئی ، خفیہ اطلاع پر دوران چیکنگ ریکارڈ یافتہ 2 رکنی حنیف عرف ہیرا نقب زن گینگ کو گرفتار کیا گیا، ملزمان میں سرغنہ حنیف عرف ہیرا اور شہباز شامل ہیں۔ ایس ایچ او غازی آباد افتخار عالم کے مطابق ملزمان دکانوں کے تالے توڑ کر چوری کرتے اور چوری کیا ہوا مال فروخت کر کے پیسے آپس میں تقسیم کر کے فرار ہوجاتے تھے،ملزمان سے نقدی، آہنی راڈ، رینچ، 2 پستول، میگزینز اور گولیاں برآمد ہوئی ہیں۔ ملزمان کو سی سی ٹی وی فوٹیج میں نقب زنی کرتے ہوئے دیکھا جا سکتا ہے،ملزمان کو سی سی ٹی وی فوٹیج اور جدید ٹیکنالوجی کی مدد سے گرفتار کیا گیا، گرفتار ملزمان کے خلاف مقدمات درج کرکے مزید تفتیش کے لیے انوسٹی گیشن کے حوالے کر دیا گیا۔ ایس پی کینٹ نے ایس ایچ او غازی آباد افتخار عالم اور پولیس ٹیم کو شاباش دی ہے۔